Pæjumótið fer fram á Siglufirði, laugardaginn 12. ágúst. Mótið hefst kl. 9:30 og lýkur rétt fyrir kl. 14:00. Hér má sjá upplýsingar varðandi gistingu í skólanum, liðsskipan og leikjadagskrá.

Síðasta æfing vikunnar verður á morgun, miðvikudaginn 2. ágúst. Allir yngri flokkar KA verða í fríi í kringum verslunarmannahelgina. Fyrsta æfing eftir frí verður á þriðjudag. Þá verður svokölluð Þór/KA æfing þar sem leikmenn munu stýra æfingunni og í lok æfingar verður pylsuveisla.

Hér fer fram skráning á Pæjumótið laugardaginn, 12. ágúst. Skráningu lýkur mánudaginn, 31. júlí kl. 21:00.

Strandarmótið á Árskógssandi í 7. flokk fer fram á sunnudaginn nú um helgina. Keppt verður frá kl. 10:00 - 14:00. Hér að neðan koma liðin og leikjadagskránna set ég inn á Facebook-síðu flokksins.

Magnaður árangur hjá stelpunum á Símamótinu þar sem öll liðin okkar komust í úrslitakeppnina. KA3 enduðu uppi sem sigurvegarar í sínum styrkleikaflokk. 18 sigrar, 3 jafntefli og einungis 3 töp í heildina! Það sem einkenndi liðin var endalaus barátta og gleði innan sem utan vallar. Við megum vera stolt af stelpunum okkar og ljóst er að framtíðin er björt. Nú tekur við næsta verkefni og er það Strandarmótið á Árskógssandi.

Hér fer fram skráning á Strandarmótið sunnudaginn, 23. júlí. Skráningu lýkur mánudaginn, 10. júlí kl. 21:00.

Haldinn verður foreldrafundur þriðjudagskvöldið, 4. júlí kl. 20:00 í í KA-heimilinu. Foreldrar þeirra stúlkna sem eru að fara á mótið eru beðin um að mæta. Mótið er eingöngu fyrir stúlkur fæddar 2009 sem æfðu í vetur. Liðin verða tilkynnt, skipulagt mótið og dagskráin kynnt.

Þar sem N1-mót KA fer fram í vikunni verður frí frá æfingum á fimmtudag og föstudag. Á æfingatímanum okkar á miðvikudag ætlum við síðan að hittast vestan við Lundarskóla og gera eitthvað skemmtilegt saman. Nánar um það síðar.

Frí verður á æfingu mánudaginn, 26. júní eftir Greifamót KA nú um helgina. Mbkv, Anton Orri

Mikilvægt að lesa.