Hér fer fram skráning á Símamótið 2017 í Kópavogi dagana 13. - 16. júlí. Skráning lýkur 20. maí.

Ég vil þakka öllum fyrir vel heppnað Stefnumót síðasta laugardag. Einnig vil ég ítreka ef það hefur farið framhjá einhverjum foreldrum að við í 7. flokk kvenna erum komin í stutt frí þar til 23. maí. Með mótinu kveðjum við Bogann þennan veturinn og færum okkur út á KA-svæðið. Fimmtudaginn 11. maí kl. 20 í KA-heimilinu verður haldinn foreldrafundur fyrir þær stelpur sem eru fæddar 2009. Málefni fundarins verður Símamótið í Kópavogi dagana 13. - 16. júlí.

Hér að neðan koma leikirnir hjá öllum liðum, mótherjar, tímasetningar og á hvaða velli er spilað. Eva, móðir Katrínar í KA1 sér um að safna mótsgjaldi fyrir hádegi frá liðstjórum í KA1, KA4, KA5 og KA6. Brynhildur, móðir Önnu í KA2 sér um að safna mótsgjaldi eftir hádegi frá liðstjórum í KA2 og KA3.

Foreldráðið í 7. flokk kvenna ætlar að standa fyrir vetrarslútti eftir æfingu á fimmtudaginn, 4. maí. Við æfum að þessu sinni úti á KA-svæði og strax í kjölfar æfingarinnar ætlum við að færa okkur yfir á grillsvæðið vestan við Lundarskóla. Farið verður í leiki og grillað pylsur í góða veðrinu. Koma með 500 kr. Æfingin er frá kl. 14 til 15 og lýkur herlegheitunum kl. 16:30. Stelpurnar í Lundaskóla rölta yfir á KA-svæðið á meðan að rútan keyrir stelpurnar frá Brekkuskóla og Naustaskóla. Engin rúta tilbaka. Fimmtudaginn þar á eftir, 11. maí kl. 20 í KA-heimilinu verður haldinn foreldrafundur fyrir stelpur fæddar árið 2009 varðandi þátttöku á Símamótinu sem fram fer um miðjan júlí. Mbkv, Foreldraráð og þjálfarar

Hér að neðan koma liðin á Stefnumóti KA næsta laugardag, 6. maí. Liðin hjá okkur spila á tveim mismunandi tímum. KA 1, KA 4, KA 5 og KA 6 spila frá kl. 9:30-12:15 á meðan að KA 2 og KA 3 spila frá kl. 12:30-15:15. Mbkv, Anton Orri

Stefnumót KA í 6.-8. flokk fer fram 6. maí. Þátttökugjald er 2000 kr og innifalið í því er verðlaunapeningur, pizza og svali. Eftir mótið fer 7. flokkur kvenna í stutt frí, frá 7. maí til 22. maí og hefjast svo æfingar á KA-velli að því loknu.

Engin æfing verður hjá okkur á fimmtudaginn þar sem að Boginn og KA-heimilið er lokað. Á laugardaginn verður spilæfing á okkar æfingartíma í Boganum og ætlar 8. flokkur KA að koma og keppa við okkur. Vera mættar tímanlega. Mbkv, Anton Orri

Síðasta æfing fyrir páskafrí verður á þriðjudaginn í Boganum kl. 14. Engin rúta verður að þessu sinni. Næsta æfing eftir frí verður 18. apríl. Mbkv, Anton Orri

Æfingin þessa helgina verður á laugardaginn í Boganum frá kl. 11 til kl. 12. Mbkv, Anton Orri

Á morgun, sunnudaginn 2. apríl fáum við heimsókn frá 8. flokk KA, Magna og Þór. Hópnum verður skipt í tvennt og mætir fyrri hópurinn kl. 11:00 og spilar 3x 15 mín leiki á meðan að seinni hópurinn mætir kl: 12:00 og spilar 4 x 10 mín leiki. Mikilvægt að vera mættar tímanlega, í KA búning og klæddar eftir veðri. Hér að neðan má sjá hópana og leikjaplanið en skipt verður í lið á morgun.