Bréf til foreldra í 6. og 7. flokk vegna KA rútu Góðan dag, Eins og öllum er kunnugt stendur KA fyrir rútuferðum fyrir 6. og 7. flokk, úr frístund og í Bogann til að sækja æfingar. Tvær öflugar fjáraflanir voru haldnar fyrir áramót með flottu Stefnumóti og einnig var fjölmennt bingó í Naustakskóla. Það er þó ljóst að enn vantar uppá til að dekka kostnað við rútuna eins og vitað var fyrirfram enda margir sem nýta sér þessa þjónustu og eru því sex rútuferðir farnar á hverjum degi sem er mjög jákvætt. Í haust var tilkynnt á foreldrafundi að líklega yrðu sendir út greiðsluseðlar í heimabanka forráðamanna 6. og 7. flokks ef tilefni stæði til. Nú er komið að því að senda út valgreiðslu til þín að fjárhæð 5.000 kr. ef þú hefur tök á að styðja við rekstur KA rútunnar, væri það mjög vel þegið. Ef ekki þá er það í góðu lagi líka. Við viljum ekki að rukka beint fyrir notkun rútunnar, heldur fjármagna hana með fjáröflunum sem Yngriflokkarnir standa fyrir og brúa svo bilið með frjálsum framlögum í gegnum valgreiðslur í heimabankanum. Fyrirfam þakkir og KA kveðja Yngriflokkaráð KA

Á laugardaginn er síðasta æfing fyrir jól þegar að við fáum góða heimsókn frá jólasveinunum. Við byrjum aftur laugardaginn 5. janúar á æfingum.

Skráning er núna í gangi fyrir Stefnumót KA sem fram fer laugardaginn 17. nóvember í Boganum. Skráning fer fram á Sportabler og er hún út föstudaginn 9. nóvember.

Forrit sem við munum nota varðandi æfingar og mót.

Það verður foreldrafundur á mánudaginn kl. 19:30-20:00 í KA-heimilinu. Farið verður yfir starf flokksins á komandi ári.

Það verður því miður ekki æfing fimmtudaginn 18. október þar sem það verður rafmagnslaust í Boganum.

Það er öflugt þjálfarateymi í 7. fl kvenna í vetur.

Skráning í KA-rútuna fyrir veturinn 2018/2019.

Það spáir vind og rigningu sem er ekki sérstök blanda og því verður æfingin á morgun í Boganum. Það verður rúta frá Lundarskóla, Brekkuskóla og Naustaskóla og aftur til baka með krakkana í 7. fl.

Æfing inni í Boganum kl. 16.30 - 17.30