Það verður ekki æfing á þriðjudaginn vegna landsleiks Íslands og Úkraínu. Þess í stað æfum við á miðvikudaginn kl. 17:00

Þessa vikuna munum við æfa þrisvar eins og í þeirri síðustu og verða æfingarnar á mánudag, þriðjudag og laugardag. Vert er að minnast á það að C1 liðið okkar fer í úrslitakeppni um miðjan mánuðinn en ekki er ennþá búið að festa niður dagsetningu né leikstað. Við munum birta frekari upplýsingar um þá leiki þegar nær dregur.

Nú þegar skólarnir eru komnir á fullt og flestum leikjum okkar lokið þá förum við aðeins að hægja á æfingum á næstunni. Í þessari viku munum við æfa þrisvar sinnum og við viljum hvetja alla leikmenn að halda áfram að mæta á allar æfingar. Hér fyrir neðan má sjá æfingar vikunnar.

Næstkomandi sunnudag er leikur hjá C2 við Aftureldingu. Leikurinn er á KA-velli kl 15:45. Mæting í KA heimilið kl 14:45.

Á föstudag eigum við heimaleik í NA-riðli við Fjarðabyggð/Leikni/Einherja. Leikurinn er á KA-svæðinu og hefst klukkan 14:00. Mæting kl. 13:30 hjá strákunum. Skrifa í athugasemd hvort að ykkar strákur komist eða ekki.

Eftirtaldir leikmenn eru boðaðir í leik á fimmtudaginn, 24. ágúst í NA-riðli sem fram fer á Hvammstanga við Tindastól/Hvöt/Kormák. Brottför frá KA-heimilinu er kl. 14:30 og áætluð heimkoma kl. 22:00. Mæting 15 mínútur fyrir brottför. Leikurinn hefst kl. 18:00 og því verða strákarnir að vera nestaðir/hafa vasapening með í för fyrir leikinn. Á heimleiðinni munum við borða á Blönduósi. Strákarnir eru beðnir um að koma með pening fyrir mat og rútukostnað. Rútan kostar 5000,-. Hægt er að velja um þrennt í matnum; Kjötsúpa og brauð 1450,- , Hamborgari, franskar og gos 1100,- eða Samloka, franskar og gos 1000 ,-. Minnum á að koma vel klæddir og með allan búnað.

Á morgun höldum við suður þar sem A,B og C1 spila við Keflavík og C2 við Hauka. Liðsskipan og tímasetningu leikja má sjá hér fyrir neðan.

Upplýsingar um suðurferð.

Á þriðjudaginn verður farin síðasta suðuferðin þetta tímabilið. Þetta verður dagsferð þar sem við förum snemma á þriðjudagsmorgun og komum seint heim um kvöldið. Lið A, B og C1 spila við Keflavík á meðan C2 spila við Hauka í Hafnarfirði. Frekari upplýsingar um ferðina munu birtast um helgina. Hér fyrir neðan er skráningin og viljum við minna á að okkur vantar a.m.k 1-2 fararstjóra í ferðina.

Á fimmtudag eiga öll liðin okkar leiki við Fjölni á KA velli. Hér fyrir neðan má sjá liðin ásamt tímasetningu á leikjunum.