Dagur 2 búinn, skipulag dags 3 og útsendingar SportTV

N1 mótið gengur eins og í sögu og er nú öðrum degi mótsins lokið. Á morgun (föstudag) verða spilaðir síðustu leikirnir í riðlakeppninni og klárast þeir um klukkan 16:30. Þá tekur við stutt pása og hefst síðan úrslitakeppni og spil um sæti klukkan 17:05.

Það munu öll lið spila leik í úrslitakeppninni og spili um sæti í A-F liðum á föstudeginum fyrir utan þau lið sem enda í 5. sæti í sínum riðli. A-liðin spila klukkan 17:05, síðan taka B-liðin við og koll af kolli að F-liðunum sem spila klukkan 20:00. Ef þitt lið er í A, B, C, D, E eða F keppninni og endar í 5. sæti í sínum riðli þá á það lið fyrsta leik á laugardeginum klukkan 08:00.

Þá viljum við taka það aftur fram að leikir gegn gestaliðum sem eru í tveimur riðlum í keppni A-liða, KA Gestir 1 og Þór Gestir 1, verða núllaðir þegar leikir í riðlakeppninni eru búnir.

Leikjaplanið hefur verið uppfært fyrir G-lið, þannig að þau lið sem enda í 1. eða 2. sæti í sínum riðli munu spila til undanúrslita á laugardeginum klukkan 11:30 á völlum 1 og 2. Önnur G-lið munu spila beint um sæti á laugardeginum klukkan 10:55 (til dæmis munu lið í 3. sæti í sínum riðlum spila um 5. sæti á mótinu). En nánar að því þegar nær dregur, minnum bara á að skoða leikjaplanið vel á síðunni okkar.

Vallarskipulag föstudags

Eins og áður hefur komið fram á síðunni þá breyta vellirnir um númer milli daga, þetta er gert til að sjá til þess að SportTV sem sýnir frá mótinu beint á netinu geti sýnt frá sem flestum liðum. Þeir munu sýna frá völlum 2, 3 og 8 á morgun og munum við uppfæra þessa frétt eins fljótt og við getum þegar SportTV gefur út útsendingarlista fyrir föstudaginn.

Leikjaplan

Leikjaplanið er eins og við komum að fast til klukkan 16:30 þegar leikir í riðlunum klárast. Við bendum fólki á að fylgjast vel með stöðu mála til að vita hvenær þeirra lið á fyrst leik þegar kemur að úrslitaleikjum og leikjum um sæti klukkan 17:05.

- Hérna má skoða leikjaniðurröðun mótsins á netinu - 

- Hérna má sækja leikjaniðurröðun mótsins á excel skjali -

Hér má svo nálgast leikjaskipulag hvers félags á mótinu

Bendum þó á að þessar síður ná einungis til leikja í riðlakeppninni, fyrir leiki í úrslitakeppninni 

Skoða úrslitakeppnina og leiki um sæti

Til að sjá hvernig úrslitakeppnin og leikir um sæti raðast upp bendum við á bæði leikjaniðurröðunina og að skoða úrslitasíðurnar sem hægt er að nálgast upp í hægra horninu. Í úrslitasíðunum eru hlekkir niðri í vinstra horninu og þar er hægt að ýta á úrslit þar sem hægt er að sjá hvernig þeir leikir raðast upp. Athugið þó að þeir leikir eru breytilegir á meðan að riðlakeppninni stendur og því endanlegt plan þegar öll úrslit í riðlakeppninni eru komin í hús.

Dagskrá SportTV

SportTV.is heldur áfram að sýna beint frá leikjum mótsins og bendum við að sjálfsögðu öllum á að fylgjast vel með útsendingu þeirra. Hér er plan þeirra fyrir föstudaginn 3. júlí: