Eins og venjan er þegar knattspyrna er leikin eru ákveðnar reglur sem þarf að fara eftir.
Athugið að í forkeppni er leikið 2x12 mínútur og er leikhlé 1 mínúta. Efstu tvö liðin í riðli forkeppninnar fara í efri keppnina og neðri tvö í neðri keppnina.
Reglur N1 mótsins árið 2024 eru eftirfarandi:
- Leikinn er 7 manna bolti á mini-völlum, leiktíminn er 2×15 mínútur og leikhlé er 1 mínúta. Leiktími í forkeppni er hins vegar 2x12 mín.
- Verði lið jöfn að stigum í riðlakeppni ræður markamunur og síðan fleiri skoruð mörk. Að því loknu innbyrðisviðureignir og að öðrum kosti hlutkesti.
- Skiptingar á leikmönnum eru frjálsar.
- Markverði er óheimilt að taka boltann upp með höndum, sendi leikmaður boltann aftur til hans (sama gildir um innköst). - Gerist það skal dómari færa knöttinn beint út á vítateiginn og dæma aukaspyrnu
- Óheimilt er að leika á skrúfutakkaskóm
- Verði jafntefli í lok leikja í úrslitakeppni skal fara fram vítakeppni. Þrjár vítaspyrnur á hvort lið. Verði enn jafnt eftir þrjár spyrnur, þá er ein vítaspyrna á lið uns úrslit nást fram. Lið þarf að tilgreina hið minnsta þrjá leikmenn til að taka spyrnu í vítakeppni. Ekki er skylda að allir leikmenn taki víti fari keppnin í bráðabana.
- Þegar markspyrna hefur verið dæmd skal setja boltann niður inn í vítateig. Það má koma bolta í leik með að senda boltann eða rekja hann. Andstæðingar skulu vera fyrir utan vítateiginn áður en boltinn er kominn í leik.
- Brjóti leikmaður illa af sér eða sýni óíþróttamannslega hegðun getur hann fengið gult spjald. Fái leikmaður gult spjald skal hann fara útaf í að lágmarki tvær mínútur frá því að boltinn er kominn í leik aftur. Það er á ábyrgð þjálfara að leikmaðurinn komi aftur inná að loknum tveimur mínútum með samþykki dómara.
Séu athugasemdir við skráð úrslit leiks skal tilkynna mótsstjórn um það samdægurs, í síðasta lagi á fararstjórafundi um kvöldið sama dag.
Í Argentísku, Brasilísku, Chile, Dönsku, Ensku, Frönsku, Grísku, Hollensku, Íslensku, Japönsku, Kólumbísku og Mexíkósku deildunum er spilað með eftirfarandi hætti:
- Fjögur lið spila saman í riðli þar sem allir keppa við alla, þrír leikir á lið.
- Verði lið jöfn að stigum í riðlakeppni ræður markamunur og síðan fleiri skoruð mörk. Að því loknu innbyrðisviðureignir og að öðrum kosti hlutkesti.
- Efstu tvö liðin fara áfram í 8-liða úrslit, neðri tvö liðin keppa í 8-liða úrslitum um sæti 9-16
Í Norsku deildinni er spilað með eftirfarandi hætti:
- Átta lið spila saman í riðli þar sem allir keppa við alla, sjö leikir á lið.
- Verði lið jöfn að stigum í riðlakeppni ræður markamunur og síðan fleiri skoruð mörk. Að því loknu innbyrðisviðureignir og að öðrum kosti hlutkesti.
- Efstu tvö liðin fara áfram í undanúrslit, lið 3. og 4. keppa um sæti 5-8, liðin í 5. og 6. sæti keppa um sæti 9-12 og liðin í 7. og 8. sæti keppa um sæti 13-16.
