Öllum þátttakendum er boðið í bíó rétt eins og fyrri ár. Myndin sem varð fyrir valin í ár er Disney/Pixar myndin Elemental og er hún sýnd í Sambíó. Myndin er um 1 klukkutími og 40 mínútur að lengd.

Myndin fjallar um Ember og Wade í borg þar sem elds-, lands-, og loftsíbúar búa saman. Unga logandi heita konan og vatnsgaurinn, sem lætur sig fljóta með straumnum, eru um það bil að uppgötva hversu mikið þau eiga í raun sameiginlegt - þó að frumefni eins og þau eigi auðvitað ekki að geta blandast saman.

Athugið að einhver lið lenda í því að stutt er á milli leikja og bíósýninga, biðjum foreldra að vera vel vakandi fyrir því að skutla strákunum til og frá bíósins í þeim tilvikum.

Hverju liði hefur verið úthlutað ákveðinni sýningu og það er mjög mikilvægt að liðin mæti á uppgefnum tíma. Athugið að Sambíó er með tilboð fyrir keppendur á mótinu og hvetjum við liðin til að senda tölvupóst eða hringja með góðum fyrirvara til að hægt sé að hafa tilboðin tilbúin fyrir liðin til að allt gangi smurt fyrir sig.

Nýja Bíó býður upp á eftirfarandi tilboð:
Tvenna: Popp og safi (epla eða appelsínu) - 500 kr.

Til að panta tilboð er hægt að senda tölvupóst á sunnadis@samfilm.is eða hringja í Sambíó í númerinu 575-8980. Vinsamlegast takið skýrt fram fyrir hvaða lið innan hvers félags verið er að panta auk þess að taka fram hvaða sýningu um varðar.

Þá biðjum við alla þátttakendur til að ganga vel um í bíósalnum og ganga frá öllu rusli.

BÍÓPLAN N1 MÓTSINS 2023