Heilsugæsla Akureyrar og Covid-19

Við vekjum að sjálfsögðu athygli á því að við förum með öllu að gát á N1 mótinu er varðar Covid-19. Leiksvæðum mótsins hefur verið skipt upp í nokkur hólf og er gríðarlega mikilvægt að fólk virði svæðisskiptinguna.

Ef grunur liggur á Covid-19 smiti bendum við á Heilsugæsluna hér á Akureyri.

Vaktmóttaka Heilsugæslunnar er aðgangsstýrð en tekið er á móti símtölum frá þeim sem þurfa sig telja fá vaktþjónustu frá 8 á morgnanna til 18 á daginn og frá 10-14 um helgar í síma 432-4600.

Heilbrigðisstarfssmaður hringir til baka, metur erindið og gefur tíma á Heilsugæslu ef þurfa þykir.

Helstu einkenni COVID-19 sýkingar minna á venjulega flensu: hiti, hósti bein- og vöðvaverkir sem og þreyta. Meltingareinkenni (kviðverkir, ógleði/uppköst, niðurgangur) eru ekki mjög áberandi með COVID-19 en eru þó þekkt. Breytingar eða tap á bragð- og lyktarskyni verður vart hjá 20-30% sjúklinga.

Ef þig grunar að þú sért með smit:

Haltu þig heima og hafðu samband í síma 1700, þína heilsugæslu eða í gegnum netspjall á heilsuvera.is. Þar verður heilbrigðisstarfsfólk til svara og ráðleggur þér um næstu skref.

Það er mjög mikilvægt að hafir þú einkenni að fara ekki í eigin persónu á læknavakt eða heilsugæslu.

Ef þig grunar að einhver í þínu nærumhverfi sé smitaður/smituð:

Gættu þess að eiga ekki í nánu samneyti við viðkomandi. Ráðleggðu viðkomandi að hafa samband við 1700, heilsugæsluna eða heilsuvera.is og ræða einkenni þín og fá ráð um hvernig best er að bregðast við.

Rakning C-19 appið

Ef þú greinist með COVID-19 getur smáforritið Rakning C-19 hjálpað til við að rifja upp ferðir þínar þegar upp kemur smit eða grunur um smit. Appið er mikilvægur hlekkur í því viðamikla starfi sem er í gangi hér á landi vegna COVID-19.