Bíóplanið tilbúið - Minions í sýningu!

Öllum þátttakendum er boðið í bíó rétt eins og fyrri ár. Myndin sem varð fyrir valin í ár er Minions: The Rise of Gru og er hún sýnd í Nýja bíó. Myndin er um 1 klukkutími og 30 mínútur að lengd.

Saga hins tólf ára Gru sem á sér þann draum helstan að verða heimsins mesti ofurþorpari. Hann elst upp í úthverfunum og er aðdáandi ofurgrúppunnar Vicious 6. Hann reynir hvað hann getur að verða nógu illur til að fá inngöngu í hópinn. Hann fær góðan stuðning frá hinum tryggu fylgjendum sínum, Skósveinunum. Þegar Vicious 6 rekur foringjann, Wild Knuckles, þá kemst Gru í inntökuviðtal. Það heppnast vægast sagt mjög illa og þeir snúast gegn honum. Á flóttanum leitar Gru til Wild Knuckles eftir hjálp og kemst að því að jafnvel þorparar þurfa stundum smá hjálp frá vinum sínum.

Athugið að einhver lið lenda í því að stutt er á milli leikja og bíósýninga, biðjum foreldra að vera vel vakandi fyrir því að skutla strákunum til og frá bíósins í þeim tilvikum.

Hverju liði hefur verið úthlutað ákveðinni sýningu og það er mjög mikilvægt að liðin mæti á uppgefnum tíma. Athugið að Nýja Bíó er með tilboð fyrir keppendur á mótinu og hvetjum við liðin til að senda tölvupóst eða hringja með góðum fyrirvara til að hægt sé að hafa tilboðin tilbúin fyrir liðin til að allt gangi smurt fyrir sig.

Nýja Bíó býður upp á eftirfarandi tilboð:
Tvenna: Popp og safi (epla eða appelsínu) - 500 kr.

Til að panta tilboð er hægt að senda tölvupóst á tanja@samfilm.is eða hringja í Nýja Bíó í númerinu 575-8980. Vinsamlegast takið skýrt fram fyrir hvaða lið innan hvers félags verið er að panta auk þess að taka fram hvaða sýningu um varðar.

Þá biðjum við alla þátttakendur til að ganga vel um í bíósalnum og ganga frá öllu rusli.