Upplýsingar um Coerver Coaching fótboltaskólann

Alþjóðlegi knattspyrnuskóli Coerver Coaching hefst mánudaginn 19. júní nk. Skólinn er á KA svæðinu á Akureyri og munu iðkendur læra og æfa færni bestu knattspyrnumanna heims. Coerver Coaching starfar eftir eigin kennsluáætlun sem af mörgum er talin sú fremsta í boltanum í dag. Hér eru meðmæli með Coerver Coaching http://coerver.is/endorsements 

Ávinningur iðkenda á námskeiðinu er eftirfarandi: 

• Eykur leikfærni óháð leikstöðu og getu í knattspyrnu
• Eykur hraða með og án bolta
• Nýtur fótboltans betur óháð eigin getu
• Lærir að nota færni sem bestu knattspyrnumenn heims nota

Ávinningur foreldra á námskeiðinu er eftirfarandi:

• Þú færð fagmannlegt, öruggt, skemmtilegt og lærdómsríkt umhverfi fyrir barnið þitt.
• Þú færð gæði fyrir þína fjármuni
• Þú sérð miklar og skýrar framfarir hjá þínu barni
• Þú færð bestu æfingu og kennsluáætlunina í færni knattspyrnumanna sem völ er á í dag

Knattspyrnuskólinn hefst á mánudaginn 19. júní og honum lýkur á föstudaginn 23. júní.  Iðkendur eiga að mæta stundvíslega dag hvern í skólann og best er að koma 15 mínútum áður en skólinn hefst. Fyrirkomulagið í ár er að hópnum er skipt í tvo hópa sem eru síðan skipt upp í enn minni hópa.

Það verða stuttir fyrirlestrar í skólanum sem allir fjalla um fótbolta eða þá hvernig krakkarnir geta staðið sig sem best í fótbolta.

Hópur 1 - stúlkur f. 2005-2008 og drengir f. 2007-2008.

Mæting kl. 8:30 á mánudeginum til að æfingar geti byrjað kl. 9:00.

Dagskrá mánudag-fimmtudags
9:00-10:30 Coerver æfing
10:30-12:00 Létt hressing, fyrirlestur og frjáls tími.
12:00-12:45 matur
13:00-14:30 Coerver æfing

Dagskrá föstudags
9.00-10:15 Coerver æfing
10:15 létt hressing
10:45-12:00 Coerver æfing
12:15 Skólaslit og pizzuveisla

Hópur 2 - stúlkur f. 2001-2004 og drengir f. 2001-2006.

Mæting kl. 10:15 á mánudeginum til að æfingar geti byrjað kl. 10:45.

Dagskrá mánudags til fimmtudags
10:45-12:15 Coerver æfing
12:15-13:00 matur
13:00-14:45 Fyrirlestrar og frjáls tími
14:45-16:15 Coerver æfing með léttri hressingu í lok æfingar

Dagskrá föstudags
13:00-14:15 Coerver æfing
14:15 létt hressing
14:45-16:00 Coerver æfing
16:00 Skólaslit og pizzuveisla

Hádegisverðurinn er í Lundarskóla mánudag til fimmtudags en í KA-heimilinu á föstudaginn. Þeir þátttakendur sem eru með fæðuóþol eða –ofnæmi að láta vita á netfangið arna@ka.is sem allra fyrst.  

Matseðill
- Mánudagur: Lasagne, brauð, hrásalat, tómatsósa og ferskt salat
- Þriðjudagur: Kjötbollur, kartöflur, hrásalat, súrsæt og brún sósa
- Miðvikudagur: Skinkupasta, brauð og ferskt salat
- Fimmtudagur: Kjúklingalæri, kartöflur, sósa og ferskt salat
- Föstudagur: Pizza

Það sem þarf að hafa með sér í skólann er eftirfarandi:

-          Takkaskór
-          Legghlífar
-          Vatnsbrúsi
-          Íþróttafatnað, sem hentar veðri hverju sinni
-          Útifatnað fyrir íslenska veðrið sem við elskum svo mikið.

Þá viljum við einnig hvetja alla til að merkja fatnaðinn vel, svo ekkert glatist. 

Starfsfólk skólans hlakkar mikið til að sjá ykkur á mánudaginn.