Þrjár í hæfileikamótun KSÍ og N1

Arna Kristinsdóttir, Berglind Baldursdóttir og Karen María Sigurgeirsdóttir taka þátt í hæfileikamótun KSÍ og N1 um komandi helgi í Kópavogi.

Arna er 14 ára varnarmaður, Berglind er 14 ára miðjumaður og Karen María er 13 ára miðjumaður. Þær ásamt fleirum 13-14 ára stelpum úr KA tóku þátt á æfingum í þessu verkefni hér á Norðurlandi fyrr á þessu ári en núna um helgina eru færri valdar úr hverju félagi og stelpur úr öllu landinu taka þátt.

Æfingarnar eru undir stjórn Þorláks Árnasonar en samkvæmt dagskrá munu þær aðalega spila leiki innbyrðis þessa helgina.