Símamótið

KA 2 í 6. fl eru efnilegar stelpur á yngra ári.

Það tóku níu KA-lið þátt á Símamótinu í Kópavogi 16.-19. júlí sem er met fjöldi hjá KA. 

Svipað fyrirkomulag er á Símamótinu og á mörgum mótum þar sem liðin fara upp eða niður um styrkleika eftir fyrsta daginn eftir hvernig gengur.

Í 6. fl tóku 32 stelpur þátt í fimm liðum en leikið er í 5-manna liðum í 6. fl. Í 5. fl tóku þátt 31 stelpa í fjórum liðum. Gengi liðanna var misjafnt eins og þetta kerfi bíður uppá en ber það þó að nefna að KA1 átti mjög gott mót og vann næst besta bikarinn af 10 eftir hörku úrslitaleik á Kópavogsvelli.

Stelpurnar gistu í Salaskóla og var góð stemning á þeim þar. Einnig fóru stelpurnar saman í sund, fóru á skemmtilega opnunarhátíð og kvöldvöku ásamt því að horfa á landslið-pressulið þar sem Rakel Sara Elvarsdóttir lék fyrir hönd KA.