Flýtilyklar
Góð ferð til Eyja
Það voru 25 stelpur ásamt Alla þjálfara og öflugum liðstjórum héldu til Vestmannaeyja að morgni miðvikudagsins 10. júní. Ferðalagið gekk vel enda eru þetta fyrirmyndar stúlkur sem eru í 5. flokk.
Öll liðin léku þrjá leiki fyrsta daginn ásamt því að liðið sýndi dans í hæfileikakeppni mótsins.
Aftur léku liðin þrjá leiki á föstudeginum og í kjölfarið fór fram svokallaður landsleikur mótsins þar sem hvert félag sendir eina stelpu. Eva Rún Einarsdóttir var valin fyrir hönd KA en hún stóð sig mjög vel í leiknum og þá var Alli landsliðsþjálfari að ósk mótsstjórnar.
Á síðasta degi mótsins var hvert lið komið í átta liða keppni með tveimur 4 liða riðlum. Þetta fyrirkomulag hefur reynst vel en það eiga þá allir möguleika að vinna til verðlauna þegar síðasti keppnisdagur hefst. KA-liðin stóðu sig öll mjög vel og má þar nefna að hvorki lið 1 né 2 tapaði þennan dag en komust þó ekki í úrslitaleikinn en unnu bronsleikinn. Lið 3 endaði í 5. sæti í sinni keppni eftir að hafa staðið sig vel alla dagana.