Flýtilyklar
Berglind Baldurs spilaði með U17
15.03.2017
Berglind Baldursdóttir spilaði með U17 ára liði Íslands gegn Austurríki í byrjun mánaðarins. Um var að ræða vináttulandsleiki í undirbúning liðsins fyrir milliriðil EM sem fram fer um næstu mánaðarmót.
Berglind spilaði rúmlega 60. mín í 2-0 sigri á Austurríki og um 20. mín í 2-2 jafntefli einnig gegn Austurríki.
Berglind lék upp yngri flokka KA en sökum búsetu foreldra hennar þá hafði hún félagsskipti í Breiðablik síðasta sumar. Frammistaða hennar þar gerði það að verkum að hún fékk samning út október 2019. Hún hefur í vetur verið í hóp hjá meistaraflokk Breiðabliks í Lengjubikarnum. Berglind er þó í Menntaskólanum á Akureyri og æfir með Þór/KA í vetur.