Sjálfstraust og liðsheild

Við spjölluðum við stelpurnar um sjálfstraust og liðsheild. Hér er það sem við töluðum um.

Sá sem er með sjálfstraust trúir á að hann muni standa sig, hann trúir á eigin hæfileika. Hann leggur sig allan fram til að ná árangri. Hann stoppar af efasemdaraddir. Því sá sem er með gott sjálfstraust getur efast um sjálfan sig eins og allir aðrir en er líklegri til að trúa að hann muni standa sig þrátt fyrir að örlitlar efasemdir koma upp.

Til að stelpurnar auki sjálfstraustið hjá sér er mikilvægt að þær séu með jákvætt sjálfstal. Dæmi: ,,Ég er öflugur varnarmaður, ég sýni það á öllum æfingum" eða ,,Ég er frábær liðsmaður, ég ætla að vera dugleg að hrósa öðrum". 

Anna Rakel segir að það hjálpi henni að setja sér skammtímamarkmið. Dæmi: Að vinna alla 50/50 bolta í næsta leik. Það hvetur hana að vera ákveðnari þannig að hún er líklegri til að standa sig. Ef það tekst eykst sjálfstraustið hennar. 

Anna Rakel og Sandra María eru sammála að það skiptir miklu máli varðandi sjálfstraust að hugsa jákvætt. Vera ánægðar með það sem þær gera vel og það sem þær geta gert betur er tækifæri í að bæta það. 

Dæmi um hjálpartæki til að bæta sjálfstraust er sjálfstraust dagbók. Þar er best að skrifa a.m.k. þrjú atriði sem voru vel gerð á æfingunni eða í leik. Gott er svo að lesa dagbókina reglulega yfir. 

Við vorum þó ekki einungis með fræðslu en við fengum stelpurnar til að segja okkur hvaða eiginleika leikmenn þurfa að vera með í góðu liði.

Hér eru niðurstöðurnar:

 Þetta er ekki tæmandi listi en það er ljóst að hver og ein einasta stelpa í flokknum er góð í einhverju af þessu. Saman eru þær góðar í öllum þessum punktum og mynda sterka liðsheild.

Að lokum horfðum við á myndband af Mörtu einni bestu knattspyrnukonu frá upphafi: