Húsvíkurferðin

Við förum með flottan hóp til Húsavíkur þar sem verkefni dagsins er að spila gegn heimastúlkum úr Völsungi. Við verðum með fjögur lið og munum við spila á hálfum stórum velli 8 gegn 8. Sú breyting átti sér stað á síðasta ársþingi KSÍ að það var fjölgað um einn leikmann í hvoru liði á leikjum á vegum KSÍ. Því munum við prófa að spila þannig á Húsavík.

Það er brottför kl 15:00 frá KA-heimilinu og er áætluð heimkoma um kl 20:00. Kostnaður er 2500 kr fyrir stelpu og skal koma með pening við brottför.

Við skiptum í fjögur lið á staðnum og spilar hvert lið þrjá 1x18 mín leiki á tímanum 16:45-19:00.

Best er að stelpurnar komi klæddar í keppnisfötum ásamt því að vera með hlýrri föt, nesti og vatnsflösku.