Frábær æfing síðasta þriðjudag

Síðasta þriðjudag var æfing hjá 5.fl kvenna í boganum. Við vorum með allan bogann og báðu stelpurnar okkur þjálfarana með sínum hvolpa augum um að fá að spila á allan völlinn.. Á æfingu voru nákvæmlega 22 stelpur sem hentar akkurat í 2 lið á stóran völl..

Þær báðu um að spila eldri á móti yngri. Við þjálfarar sögðum skoða það ef að það hentaði útfrá fjölda. En ekki hvað það voru 11 á yngra ári mættar og 11 á eldra ári.

Þær fengu 10 mín til þess að spila á stóranvöll og síðan ætluðum við að spila á hálfan völl 7 á móti 7.

En þar sem dugnaðurinn og spilið var svo flott að þá lengdist tíminn og endaði með að þær spiluðu á stóran völl í 35 mín. Án þess að slá af kláruðu þær þessar 35 mín með algjörum sóma, okkur þjálfurum og foreldrum sem voru að horfa til mikillar skemmtunar.

Eftir leikinn voru þær þreitt og glaðar og stóðu þær allar uppi sem sigurvegarar fyrir það að hafa klárað þennan leik á þessum hraða og með þessu spili.

Þetta er flottur hópur og flottar stelpur sem þig eigið og erum við þjálfarar mjög stoltir af þeim og það meigið þið vera líka.

kv Egill og Sandra.