Samantekt af foreldrafundi

Sæl veriði

Hér eru þau atriði sem rædd voru á foreldrafundinum, en það var farið yfir sumarið s.s. æfingartíma, þjálfara, Íslandsmótið, N1-mótið, rútumál o.fl.

Þjálfarar í sumar verða Atli, Alli og Milo + 1-2 aðstoðarþjálfarar. Æfingartíminn hjá strákunum verður kl:11 alla virka daga. Sumaræfingar byrja fljótlega eftir skólaslit. Fram að því haldast æfingarnar á þri, fim og lau en tíminn og staðsetning er breytileg og biðjum við ykkur um að vera dugleg að fylgjast með á síðunni með hvar æfingarnar eru og klukkan hvað.

Íslandsmótið byrjar í byrjun júní. 5. flokkur er með 6 lið á mótinu. Hvert lið spilar 8-10 leiki í sumar og er misjafnt hvar leikirnir eru spilaðir, það er hægt að skoða fyrirkomulagið á síðu KSÍ http://www.ksi.is. Þjálfarar setja inn liðin í lok maí með riðlaskiptingu og fyrstu leikjum. KA er í E-riðli og E2-riðli.

N1-mótið er 2-5 júlí og hefur fyrirkomulagið verið þannig að foreldrar taka að sér vaktir á meðan mótinu stendur, matarvaktir, klósettvaktir, þrifvaktir, gæsla á svæðinu o.fl. Þarf hver að taka að minnsta kosti 2-3 vaktir. Við munum hafa skráningu á vaktirnar og betri upplýsingar þegar nær dregur.

Strákarnir eiga eftir að þurfa að fara með rútu á einhverja þá staði sem þeir eru að spila á á Íslandsmótinu. Fyrirkomulagið verður þannig að við höfum skráningu fyrir ferðina. Við höfum ákveðið að hafa það þannig að það verður að láta vita með viku fyrirvara hvort strákurinn fari með rútunni eða ekki, ef það er gert eftir þann tíma þarf strákurinn samt að borga fyrir rútuna. Við setjum þetta upp svona til þess að komast hjá aukakostnaði fyrir þá stráka sem eru að fara.

Fjóla mun sjá um keppnistreyjurnar í sumar. Við munum leita til foreldra í hverju liði til að sjá um treyjurnar fyrir hvern leik á Íslandsmótinu.

Bestu kveðjur

Foreldraráð og þjálfarar