Samantekt af foreldrafundinum

Fyrir þá sem mættu ekki á foreldrafundinn í kvöld þá kemur hér smá samantekt af því sem fór fram.

Rútuferðir
Þær rútuferðir sem verða farnar í Íslandsmótssleiki hjá yngri flokkum KA í sumar verða iðkendum að kostnaðarlausu. Frábært framtak hjá yngriflokkaráði. - Farið verður í rútum í alla leiki sumarsins.

Veturinn
Farið var örstutt yfir veturinn þar sem farið yfir hversu vel heppnaður hann hafi verið, æfingarlega og sérstaklega velgengi á mótum og í leikjum.

Sumarið
Æfingartímar eru klárir og munu vera æfingar alla virka daga kl. 14:30 - 15:45. Þó verður tvískipt á þriðjudögum og fimmtudögum en þá mun annar hópurinn æfa kl. 13:00 - 14:15. Meira um það síðar.
Þjálfaraskipti munu eiga sér stað 2. júni en þá kemur Callum Williams inn í teymið í stað Steina.
Peddi og Míló munu vera með á öllu æfingum í sumar. Skúli og Atli munu vera á öllum æfingum kl. 14:30 og Callum verður mán, mið og fös kl. 14:30, þri og fim kl. 13:00.

N1 Mótið
Farið var lauslega yfir N1 mótið sem verður haldið í sumar dagana 5. til 8 júlí og var tilkynnt að það yrði foreldrafundir stuttu fyrir mót þar sem væri betur farið vaktir og þessháttar sem foreldrar geta tekið þátt í til að vinna sér fyrir inneign sem hægt er nota til að greiða fyrir þetta mót eða önnur.

Olísmótið
Ákveðið var að athuga með vilja foreldra til að fara á Olísmótið á Selfossi sem er dagana 11. - 13. ágúst. Undanfarin ár hefur reynst erfitt að manna þjálfara á þetta mót og því ekki verið farið á það. En nú viljum við láta reyna á hvort að það sé hugur í foreldrum að fara og jafnvel að einhverjir taki þjálfarastarfið á sig þessa helgi. - Foreldraráð mun setja inn könnun fljótlega varðandi þetta.

Kv.
Þjálfarar og foreldraráð