Fréttir frá foreldrafundi

Sælir foreldrar, hér koma helstu upplýsingar af foreldrafundinum í gær :) 

Við erum eins og þið vitið að undirbúa ferð strákanna suður eftir um tvær vikur á Booztbarmót Breiðabliks/Landsbankamótið. NÚMER EITT TVÖ OG ÞRJÚ ERU LIÐSSTJÓRAMÁL :) Liðin eru þó ekki klár en gott væri að þeir sem mögulega gætu komið sem liðsstjórari láti okkur vita. Við þurfum 6 frá hvoru ári, 12 liðsstjóra í það heila, og nú þegar eru fimm búnir að bjóða sig fram af yngra ári en enginn af því eldra. Gott væri að fá comment undir þessa færslu um hverjir ætla að taka þetta skemmtilega hlutverk að sér í þetta sinn :) Eins væri flott að fá að heyra hverjir verða mögulega fyrir sunnan og gætu rétt okkur hjálparhönd á meðan á mótinu stendur.

Koma svo! :)

Planið er annars í stuttu máli svona: 

BROTTFÖR Á FIMMTUDEGINUM 21.janúar kl 14 þar sem fyrsti leikur er snemma á föstudagsmorgni og heimkoma seint á sunnudagskvöldi/nóttu þar sem síðustu leikir gætu dregist fram að kvöldmat þann dag. Þjálfarar sem fara með verða Elli og Steini. Foreldrar þurfa að NESTA strákana lítillega fyrir rútuferðina suður en þeir fá svo heitan mat um kvöldmatarleyti þann daginn. Fyrsta gististopp í Kópavogi verður skátaheimili en við færum okkur svo yfir í þann skóla sem okkur verður úthlutaður á föstudeginum (annað hvort Smáraskóla eða Salaskóla). Áætlaður kostnaður eru 25þúsund krónur á dreng og innifalið í þeim kostnaði er rútan fram og til baka og keyrsla fyrir sunnan, matur, sundferðir, afþreying, mótsgjald og gisting. Reikningsupplýsingar koma inn eftir helgi og biðjum við foreldra að greiða í síðasta lagi sunnudaginn 17.janúar svo allt gangi vel upp :) Þeir sem eiga inneign geta að sjálfsögðu notað hana upp í kostnaðinn, yngra árið hefur nú þegar fengið sendar upplýsingar um sína stöðu og er póstur væntanlegur á eldra árið með sömu upplýsingum. Í mótsgjaldi eru innifaldir tveir boozt-drykkir fyrir hvern dreng á dag auk ávaxta eins og þeir geta í sig látið :) Matarplan verður svo gróflega svona þess utan: súrmjólk og cheerios og/eða brauð eftir því sem menn vilja í morgunmat og ein heit máltíð á dag þessa fjóra daga, yfir daginn koma þeir svo til með að fá heitar samlokur og BAKSTURSBRAUÐ FRÁ FORELDRUM - skinkuhorn, pizzasnúðar, kleinur, muffins eða eitthvað í þá áttina. Foreldrar eru vinsamlegast beðnir um að setja athugasemd við færsluna og láta vita hvað kemur frá hverju heimili, um að gera að fylgjast með hvað er komið svo allir komi ekki með það sama :)  Símar eru ekki leyfðir eins og áður en í lagi að taka með sér tónlist/ipod. Eins væri gott ef einhverjir ættu myndir á flakkara/usb/dvd til að stytta drengjunum stundir á leiðinni og jafnvel á kvöldin.

Frekari upplýsingar koma inn eftir helgina - takk fyrir fundinn! :)

-Foreldraráð