Rey Cup 2018 - upplýsingar

Rey Cup verður sett miðvikudaginn 25. júlí kl. 21:00.

Við KA-menn ætlum að vera mættir í Laugarnesskóla (þar sem liðið gistir) kl. 19:00 á miðvikudaginn. Sjá dagskrá betur og nánar hér.

Foreldraráð sendir nú út ákall til foreldra um að taka að sér liðstjóravakt þessa daga í Reykjavík. Fyrirkomulagið er þannig að búið er að skipta mótinu upp í 11 vaktir fyrir foreldra (þ.e. per lið = 33 vaktir). Frjálst að taka fleiri en eina vakt. Erum að tala um 3 vakir á dag, þ.e. frá c.a. morgunmat til kl. 14:00, frá kl. 14:00 til 21/22 og svo kvöld- og næturvakt sem klárar morgunmat næsta dags. Á ekki að vera flókið og hér sannast hið fornkveðna; margar hendur vinna skítlétt verk! Skráningarskjal fyrir liðsstjóravaktirnar kemur inn á vefinn um helgina.

Mjög mikilvægt er að foreldraráð verði upplýst um drengi sem verða foreldra/forráðamannalausir í RVK, vinsamlegast sendið línu á ellert@akureyri.is ef þannig vill til þessa daga í borginni.

Nesti og millibiti: Foreldraráð verður með 320 samlokur, 160 Hleðslur, ávexti, Corny og ávaxtþykkni sem liðstjórar geta notað til að fóðra liðin sín á milli og kringum leiki. Auk þess verður slegið til pizzuveislu og vöfflukaffi sitt hvort kvöld. Kostnaður af þessu liðum verður innheimtur eftir mót þegar uppgjörið hefur verið tekið saman. T.d. verður hægt að nota inneign af N1 vinnunni í þennan kostnaðarlið.

Eitt af markmiðum ferðarinnar er samvera drengjanna og hópeflið, þ.e. félagslegi þátturinn og því mikilvægt að leggja sitt að mörkum til að rækta það. Er það því uppleggið að liðin/hópurinn verði saman frá morgni til kvölds þessa daga. Af því tilefni skulu drengirnir ekki vera með snjallsíma á meðan þeir eru í hópnum. Liðsstjórar hafa leyfi til að vera með síma og í þá er hægt að hringja J Að sama skapi er skorað á drengi og foreldra/liðsstjóra að taka með áhugaverð borðspil sem hægt verður að grípa í.

Fulltrúar foreldraráðs sækja armbönd fyrir leikmenn á fundi mótsstjórnar á miðvikudagskvöldinu og verður þeim dreift í morgunmatnum á fimmtudeginum. 

Drengirnir þurfa að hafa meðferðis sinn hefðbundna keppnisbúnað, ferð-til-RVK-búnaðinn (s.s. dýnu, kodda, sæng/svefnpoka, tannbusta, sundföt, handklæði) auk þess að hafa með auka og extra fatnað, t.d. dress fyrir ballið á föstudeginum. En foreldrar eru vinsamlegast beðnir um að skoða veðurspá vikunnar og hafa það í huga þegar drengirnir pakka sjálfir niður í töskurnar, t.d. 1-3 auka sokkapör taka ekki mikið pláss né góð regnslá. Mikilvægt að merkja allan búnað og fantað (hvern sokk) vel og rækilega. Einnig mikilvægt að drengirnir hafi meðferðis BLÁA KA peysu með suður til að klæðast í á opnunarhátíðinni til að tóna sem heild!

Hér er að finna hvernig liðin eru skipuð + leikir liðanna (en birt með sama fyrirvara og mótsstjórn gerir)

 Upplýsingasíða mótsins er https://www.reycup.is/