Hefjum æfingar á fimmtudaginn úti á KA

Hefjum æfingar aftur á fimmtudaginn skv. plani en nú úti á KA velli. Æfum þriðjudaga og fimmtudaga kl. 16:15-17:00.

Þannig æfum við þangað til að sumaræfingar hefjast 6. júní en þá komum við til með að æfa mánudaga, þriðjudaga, miðvikudaga og fimmtudaga kl. 16:15-17:00.

Að auki verður breyting á hópaskiptingu á æfingum og bið ég ykkur foreldra að kynna ykkur þetta vel:

Gulur hópur: Stelpur fæddar 2012

Blár hópur: Strákar fæddir 2012

Grænn hópur: Strákar og stelpur fædd 2013 og 2014

Við viljum vinsamlegast biðja ykkur um að hjálpa okkur þjálfurum við að kenna krökkunum þessa hópaskiptingu. Hún kemur til með að hjálpa okkur mikið við frekari hópaskiptingu inná æfingunum. Þó skulum við alveg gefa okkur nokkrar æfingar til þess að slípa þetta kerfi til. 

Í sumar er stefnan sett á að fara á tvö mót:

Annarsvegar Strandarmótið sem verður haldið á Árskógsvelli í Dalvíkurbyggð dagana 21.-22. júlí.

Hinsvegar Curiomótið sem verður haldið á Húsavíkurvelli á Húsavík 26. ágúst.