Æfingar á miðvikudögum

Vegna góðrar mætingar undanfarið og umræðu um fjölda æfinga höfum við ákveðið að bæta fjórðu æfingunni við fyrir 8.fl kvenna. Sú æfing yrði í boði á miðvikudögum. Það eru einhverjar líkur á því að þær verði með örlítið öðru sniði heldur en hinar æfingarnar því mögulega verður sú æfing í bland við strákana úr sama flokki. Þjálfarar stelpnana verða með þær en eins og áður segir mögulegt að hópurinn blandist eitthvað en það fer eftir mætingu hverju sinni. Æfingartíminn er sambærilegur og hina dagana en Alli mun kynna þetta betur fyrir foreldrum á næstu æfingu sem verður á mánudaginn.

Þó svo að þessi viðbót verði viljum við samt sem áður benda á að það er æskilegt fyrir svona ung börn að æfa ekki mikið meira heldur en þrisvar í viku. Sömu skilaboðum komum við til iðkenda í strákaflokknum líka. Það er reynsla okkar að börn á þessum aldrei eiga það til að verða leið þegar líða tekur á sumarið og hvetjum við því foreldra að hafa þetta í huga. 

Ef einhverjar spurningar vakna þá má endilega senda fyrirspurn á alli@ka.is eða grípa Alla á KA svæðinu og spyrja hann út í málið.