8. fl stelpna í vetur!!

Vetrarstarfið í 8. fl stelpna hefst miðvikudaginn 10. september kl. 16:15.

Æfingar í vetur verða á mánudögum og miðvikudögum kl. 16:15-17:00. Við verðum til að byrja með á gervigrasinu en þegar fer að kólna færum við okkur upp í gamla júdósalinn.

Skúli Bragi Magnússon verður yfir flokknum í vetur og honum til aðstoðar verða skemmtilegar stelpur en á þessum tímapunkti er ekki alveg ljóst hverjar það verða. Alli sem hefur var með flokkinn á síðasta tímabili verður með Skúla út september.

Skipulag æfinga verður með svipuðu sniði og síðasta vetur. 

Skipulag á hefðbundinni æfingu er eitthvað í þessa átt:
10-15 mín leikir
10-15 mín þrautabrautir, skotstöðvar eða annað
10-15 mín leikir eða spilað fótbolta

Í vetur verður aðaláherslan á að það sé skemmtilegt á æfingum, að stelpurnar fái mikla og góða hreyfingu sem stuðlar að bættri samhæfingu. Flestir leikir eru án bolta og má því segja að þetta sé nær því að vera almenn íþróttaæfing en fótboltaæfing. Þegar sumarið kemur aftur þá verða fleiri æfingar með bolta en án bolta.

Við vonumst eftir að sjá sem flestar í vetur og vonumst við eftir hjálp ykkar að stækka hópinn með að bjóða duglegum stelpum að koma á æfingar. Í sumar voru um 10 stelpur fæddar 2009 og 2010 að æfa.