Foreldrafótbolti á morgun (mánudag) kl. 16:00

Um leið og við þjálfarar viljum þakka fyrir frábært sumar sem var bæði gefandi og skemmtilegt í senn, vonumst við til að sjá sem flesta í foreldrafótboltanum á morgun (mánudag).

Strákarnir ykkar eru algerir snillingar og er búið að vera mikið fjör að þjálfa þennan fjölmenna og skemmtilega hóp. Þegar flestir mættu voru 74 strákar á æfingu hjá okkur í sumar og alls tóku 57 leikmenn þátt á Nikulásarmótinu í dag. Árangurinn hefur verið góður bæði innan sem utan vallar enn þrátt fyrir að úrslitin skipti ekki öllu máli þá hafa strákarnir tekið miklum framförum í fótbolta og einnig í að hlýða fyrirmælum þjálfara.

Við kveðjum 2008 árganginn sem fer upp í 6. flokk eftir haustfrí og tökum fagnandi á móti 2010 árgangnum sem kemur upp í 7. flokk. 

Enn til þess að gera langa sögu stutta þá er æfing/foreldrafótbolti á morgun (mánudag) kl. 16:00 á KA-velli og síðan fá allir sér pizzu og djús! Foreldrar og systkini hvött til þess að mæta og skemmta sér vel.

Eftir morgundaginn er síðan frí til 6. september þegar æfingar hefjast eftir vetrartöflu sem má nálgast inn á fotbolti.ka.is og ef smellt er á æfingatöflu. Til þess að svara fjölmörgum fyrirspurnum að þá er stefnt að því að hafa rútuferðir úr skólum og í Bogann (og aftur til baka) í vetur en við munum hefja æfingar í Boganum um miðjan október. Fram að því verðum við á KA-svæðinu og þá er engin rúta :)

Hlökkum til að sjá sem flesta á morgun

Kveðja, 

Þjálfarar