Ísferð í dag

Nú hafa 10 stelpur sýnt frammá það að þær geti haldið bolta á lofti bara með rist 10 sinnum.

Þetta eru þær:

Rósa, Katla, Hólmdís, Nadía, Harpa, Margrét, Kolfinna, Aldís, Tinna og núna síðast hún Nína sem bætti metið sitt á mánudagsæfingunni og náði að halda á lofti 10 sinnum.

Enn eru margar mjög nálægt þessu og margar búnar að bæta metið sitt helling síðan að við fórum af stað með þetta markmið í upphafi sumars. 

Nú er því ekki annað hægt en að standa við stóru orðin og bjóða öllum stelpum í flokknum í ísbúð.

Hittumst uppí KA í dag á æfingartíma 16:00 og röltum saman í Ísgerðina Kaupangi. Það þarf ekki að taka pening með sér heldur er góða skapið alveg meira en nóg.

Í öðrum fréttum þá sigruðu okkar lið í 6. kvenna báða riðlana (A og B riðil) í úrslitakeppni Íslandsmótsins NL/AL. Heldur betur glæsilegur árangur það!