Fundargerð Orkumótsfundar 7. febrúar 2017

Það var góð mæting á foreldrafundinn í gær vegna Orkumóts sumarsins þar sem 85% foreldra keppenda voru mættir. 

Hér eru helstu punktar og áherslur af fundinum: 

Rúta til Eyja

• Brottför á miðvikudagsmorgni og til baka á sunnudagsmorgni.
• Foreldrar nesta sína drengi fyrir ferðina suður. 
• Rútan fer ekki með Herjólfi, farangur og drengir ferjaðir um borð. 
• Nesti fyrir heimferðina á sunnudeginum verður græjað í Vestmannaeyjum og svo verður matarstopp á leiðinni í hamborgara/pizzutilboð. 

Mótið

• 4 lið => 36 leikmenn
• 8 liðsstjórar og 2 þjálfarar
• Spilað á fim-fös-lau, alls 10 leiki (ekki staðfest tala:))
• Fullt af skipulagðir dagskrá fyrir strákana utan leikjanna og eru þar á ábyrgð og umsjón liðsstjóra. 
• Foreldraráð óskar eftir að þeir sem hafa áhuga og tök á að vera liðsstjórar gefi sig fram og komi því á framæri með tölvupóst á elli@elli.is.
• Foreldraráð tilkynnir og skipar liðsstjóra liðanna þegar liðin verða/eru klár um miðjan júní. Þangað til er ómögulegt að segja til hvernig liðsstjórastöðurnar skipast.
• Foreldraráð óskar eftir því (þegar þar að kemur) að einhverjir foreldrar sem verði í Eyjum skipti með sér "kvöldvöktum" per lið til að gefa liðsstjórum 2-3 klst kvöldmatarhlé kvöldin góðu í Eyjum.
• En eins og alltaf er það þannig að margar hendur vinna skítlétt verk og er því öll aðstoð í kringum liðin vel þegin í Eyjum þegar og ef við á - sem aldrei fyrr í þessum frábæra foreldrahópi! :)   
• Í Eyjum verður hvert lið með einn bílaleigubíl til umráða til að ferja á milli valla, í/úr mat, hýsa búnað og nesti ofl. 

Matur og nesti í Eyjum

• Drengirnir þurfa nesti í Eyjum á milli leikja og máltíða. 
• Hugmynd um að hver leikmaður (foreldri) komi með heimabakað í púkkið sem liðið getur nærst á í Eyjum (skinkuhorn, pizzasnúða ofl.). 
• Annars er líka horft til að gera klassískar samlokur með skinku og osti, skyr- og hleðsludrykki.
• Stefnt er á KA-vöfflukaffið vinsæla í lok kvöldvökunnar (fös.kvöld).
• Skipuð hefur nestisnefnd sem mun vinna að nestun drengjana:
  • Jón (Ragnar)
  • Lára (Birkir)
  • Ragna (Benjamín)
  • Guðrún (Steindór)

Kostnaður 

• Foreldraráð áætlar að kostnaður per keppanda verði að hámarki 55 þús. Kostnaður í fyrra var 47 þús. og hefur t.d. mótsgjaldið hjá ÍBV hækkað um 2 þús. milli ára og ekki voru bílaleigubílar notaðir í fyrra. En foreldraráð vinnur að því að lágmarka kostnaðinn. 
• Innifalið í verðinu 
  • Rúta Akureyri - Eyjar - Akureyri
  • Mótsgjaldið til ÍBV
  • Nesti milli leikja/máltíða (ræðst af heimabakstri og styrkjum) 
  • Kvöldmatur laugardagskvöld
  • Morgunmatur sunnudag
  • Matur á þjóðvegi 1 á heimleiðinni á sunnudeginum
  • Bílaleigubíll í Eyjum
  • Þátttaka í kostnaði við þjálfara og liðsstjóra
• Foreldrar hafa nú greitt 15 þús. í staðfestingargjald sem er hluti af heildarkostnaði per dreng, þ.e. 15 þús af þessum max 55 þús.
• Foreldraráð greiðir ÍBV lokagreiðsluna í byrjun júní og stefnir foreldraráð á að innheimta eftirstöðvar að gjaldinu meðal foreldra í maí.  

Annað sem þarf að nefna

• Ekki eru seldir stakir matarmiðar í Eyjum fyrir svanga foreldra.
• Leirunesti og Akinn styrkja flokkinn sem fyrr með merktum hettupeysum sem verða afhendar í júní. Mátun líkleg á Goðamótinu.
• Foreldraráð þarf að vita af því ef drengirnir fara ekki til eða frá Eyjum með hópnum. Vissuleg í valdi foreldra en gott, gaman og holt að amk fara suður með hópnum í rútunni :) 
• Áhugasamir um inneignir sínar vegna fjáraflana geta sent fyrirspurn á elli@elli.is sem svarar alltaf á laugardögum. 
• Að gefnu tilefni skal það sagt að það eru einungis drengirnir, liðstjórar og þjálfarar sem gista með liðinu í skólastofu á mótinu.
• Næsti fundur vegna Orkumótsins 2017 verður líklegast í júní þegar liðin verða klár, þangað til verðum við á tánum og höldum okkur öllum upplýstum via heimasíðuna og facebook... og höldum áfram í fjáröflunum!

Þessi upptalning á nokkurn veginn að dekka þetta allt :) 
Gangi okkur vel og sjáumst á rúntinum!
Foreldraráð og fjáröflunarnefnd árgangs 2007

p.s. takk fyrir að lesa svona langt! :)