Helstu punktar frá foreldrafundinum 12.05.2015

Eftirfarandi var það helsta sem bar á góma á fundinum.
Það gleymdist að þakka þjálfurunum fyrir þeirra störf í vetur en það gerist hér með. Takk Egill og Steini.

 Dagskrá fundarins hljóðaði svo: 

1.Þjálfarar:
  1.1 Þátttaka í mótum.
  1.2 Farið yfir leiki sumarsins.
  1.3 Hvenær og hvert verður farið.
  1.4 Æfingatímar í sumar.
  1.5 Spurningar og svör.

2.Foreldraráð:
  2.1 Nýju búningarnir og umgengni um þá.
  2.2 Mönnun fararstjóra.
  2.3 Undirbúningur ferða, redda mat, gistingu o.s.frv.
  2.4 Fjárhagsstaða iðkenda eftir síðustu fjáröflun lögð fram.
  2.5 Frekari fjáraflanir.
  2.6 Önnur mál.

1.1 Þátttaka í mótum.
Eina mótið í sumar fyrir utan Íslandsmótið sem tekið verður þátt í er Coca Cola og Domino's mót Þórs í 4. flokki karla og kvenna. Mótið fer fram á Þórssvæðinu 17.-19. júlí í sumar. Sjá auglýsingu um mótið hér.

1.2 Farið yfir leiki sumarsins.
Samkvæmt heimasíðu KSÍ spilar A-liðið 10 leiki, B-liðið 11 og C-liðið 9 leiki í sumar.  Mögulega geta verið villur á heimasíðunni en það er um að gera að skoða hana reglulega til að fylgjast með því hún á örugglega eftir að breytast eitthvað. T.d. þarf að færa leikina sem settir eru á 18-19 júlí því það er sama helgi og Coca Cola mót Þórs.
Smellið hér til að skoða KSÍ-síðuna
Hér má sjá auglýsingu fyrir Coca Cola mót Þórs

1.3 Hvenær og hvert verður farið.
Við þurfum að fara 3 ferðir suður í sumar á eftirfarandi dagsetningum. Ferðin 18-19 júlí á eftir að breytast vegna Coca Cola mótsins.

• Ferð 1. 13-14 júní
  • Lau. 13. jún Kaplakrikavöllur. FH Hafnarfirði
  • Sun. 14. jún Samsung völlurinn. Stjarnan Garðabæ

• Ferð 2. 18-19 júlí
  • Lau. 18. júl Víkingsvöllur Víkingur Reykjavík
  • Sun. 19. júl Fylkisvöllur Fylkir Reykjavík

• Ferð 3.
  • Lau. 29. Ágúst Iðavellir Keflavík

1.4 Æfingatímar í sumar.
Þjálfararnir Egill og Steini eru báðir að vinna fulla vinnu svo þeir eru ekki lausir til að þjálfa fyrr en seinnipartinn. Þeir eru að vonast til að fá tíma frá 16:30 – 17:45 mánudaga til föstudaga

2.1   Nýju búningarnir og umgengni um þá.
Bent var á að nýju búningarnir líti út fyrir að vera ekki eins sterkir og þeir eldri, því þarf að fara sparlega með þá. Heyrðist að gert sé ráð fyrir að þeir endist í a.m.k. 2 ár.  Ekki er nein brók í buxunum svo undirbuxur eru nauðsynlegar. 

2.2    Mönnun fararstjóra.
Hægt er að skrá sig sem fararstjóra í ferðirnar suður í sumar með því að setja inn athugasemd við þessa frétt. 

• Ferð 1. 13-14 júní
  • Lau. 13. jún Kaplakrikavöllur. FH Hafnarfirði
  • Sun. 14. jún Samsung völlurinn. Stjarnan Garðabæ

Fararstjóri 1: Jón Ingvi Árnason (Freyr)
Fararstjori 2:________________________

• Ferð 2. (18-19 júlí) Ný dagsetning væntanleg
  • Lau. 18. Júl Víkingsvöllur. Víkingur Reykjavík
  • Sun. 19. Júl Fylkisvöllur. Fylkir Reykjavík

Fararstjóri 1:________________________
Fararstjori 2:________________________

• Ferð 3.
  • Lau. 29. Ágú Iðavellir. Keflavík

Fararstjóri 1:________________________
Fararstjori 2:________________________

2.3.      Undirbúningur ferða, redda mat, gistingu o.s.frv.
Það er ekki eftir neinu að bíða með undirbúning keppnisferða um leið og dagsetningar liggja fyrir.
Reynt verður að gefa upp kostnað við hverja ferð eins tímanlega og kostur er.
Þeir sem ekki eiga nóg í sjóði greiða gjaldkera um leið og mætt er í rútuna. Sé ekki hægt að greiða við brottför þarf að ræða það við gjaldkera.

Við undirbúning keppnisferða þarf að redda ýmsu sem foreldrar mega gjarnan taka þátt í. Foreldraráð á reynslutölur (magn) frá fyrri árum:

Vífilfelli                              Drykkir
MS                                     Ostur, súrmjólk og mjólk
Bónus                                Brauð, skinka, morgunkorn
Foreldraráð + foreldrar       Redda gistingu
Foreldraráð + foreldrar       Bóka rútu
Foreldraráð + foreldrar       Panta mat fyrir suður og heimferð
Foreldraráð + foreldrar       Afþreying (góðar hugmyndir vel þegnar)

2.4   Fjárhagsstaða iðkenda eftir síðustu fjáröflun lögð fram.
Hægt er að fá uppgefna stöðu með því að hafa samband við gjaldkera.
Jón Helgi fyrir árgang 2001               jhp@rviv.is
Jón Hrannar fyrir árgang 2002           jone@arcticm.is

2.5   Frekari fjáraflanir.
Harðfisksfjáröflunin gekk sæmilega og enn er hægt að fá einhverja poka ef einhver hefur áhuga. Eins eiga einhverjir eftir að borga.
Næstu fjáraflanir verður að greiða fyrirfram áður en varan er afhent.
Við ætlum að selja ís núna í maí og síðan hamborgara í júní og síðan mögulega dósasöfnun við hentugt tækifæri.
Ásdís Birgis ætlar að kanna hvort hægt er að fá vinnu við töskuburð á hótelum bæjarins eins og Icelandair Hotels hafa verið að bjóða upp á og einhverjir flokkar hafa notið góðs af. Á þetta við þegar rúturnar eru að koma heim á hótel á kvöldin.