Til fyrirmyndar

Stór og flottur hópur KA-stelpna tók þátt á mótinu og voru þær sér og félaginu til sóma. Við vorum með 12 lið þar af sjö úr 7. fl sem er einsdæmi. Það var því einstaklega ánægjulegt með þennan fjölda að 7. fl KA fékk Háttvísiverðlaun KSÍ á mótinu. Þau verðlaun undirstrikuðu hversu flottar stelpur eru í flokknum.

Af 44 stelpum þá voru líklega 24 af þeim að fara á sitt fyrsta helgarmót. Gaman var að sjá hve margar af þeim bættu sig á mótinu og má því segja að þær séu reynslunni ríkari. Einnig var mjög ánægjulegt að sjá þær sem hafa æft hversu vel þær standa á landsvísu. Við þjálfarnir erum því mjög sáttir með mótið á knattspyrnuvellinum.

Ánægjulegast er þó...
- að flestar ef ekki allar stelpurnar virtust vera alsáttar með helgina.
- hversu skemmtilegar og duglegar stelpur eru í flokknum.
- hversu frábærir foreldrar eru í hópnum sem styðja stelpurnar á jákvæðan hátt.

Að lokum ber að þakka liðstjórum og öflugu foreldraráði fyrir þeirra framlag um helgina. Eins og sagt var á fundinum þá skiptir öflugt foreldrastarf miklu máli!

kv. Alli, Sandra María og Harpa