Sumarið 2015

Sumaræfingar hefjast mánudaginn 8. júní og verður 7. fl kl. 13:00-14:15 alla virka daga á KA-svæðinu.

Hápunktar sumarsins eru þegar flokkurinn fer á Landsbankamótið á Sauðárkróki 27.-28. júní og Pæjumótið á Siglufirði 7.-9. ágúst. Einnig mun flokkurinn fara á 1-2 dagsmót í sumar.

Þjálfarar flokksins í sumar eru Alli íþróttafræðingur og UEFA A þjálfari og Sandra María Jessen leikmaður Þór/KA og landsliðskona ásamt Hörpu, Rakel og fleiri aðstoðarþjálfurum.

Meðal markmiða flokksins er að hafa skemmtilegt og uppbyggilegt starf. Áhersla er á að æfingarnar séu fjölbreyttar og stuðli að auknum hreyfiþroska. Aðaláhersla knattspyrnulega er á þjálfun tæknilegrar færni. Háttvísi og íþróttamannsleg framkoma sé kennd.

Nánari upplýsingar um starfið í sumar veitir Alli s. 691-6456 og alli@ka.is.