Glæsileg frammistaða!

Næsta æfing er á þriðjudaginn kl. 13:00-14:15.

Frammistaða KA-liðanna á mótinu í 7. fl var vonum framar. Það er virkilega gaman að sjá hvað margar stelpur hafa tekið miklum framförum í sumar. Það er ótrúlega gaman að þjálfa þennan hóp enda eru þetta duglegar stelpur sem eru til fyrirmyndar. 

Foreldrahópurinn er einnig mjög flottur sem skiptir mjög miklu máli. Jákvæðni og góður stuðningur af hliðarlínunni hjálpaði stelpunum mikið og þá aðalega á föstudaginn þegar þær voru orðnar ansi kaldar á tímabili.

Appelsínugular (KA1) var líklega duglegasta liðið en þær stoppuðu aldrei og uppskáru annað sætið. Til gamans má geta að þær unnu silfurlið KR frá Símamótinu tvisvar sinnum 3-0 og enduðu fyrir ofan Símamótsmeistarana úr Garðabænum.

Bláar (KA2) áttu erfiðan fyrsta dag þar sem þær voru í efsta styrkleika, þær létu það ekkert á sig fá og mættu galvaskar á laugardaginn þar sem þær unnu góða sigur í fyrsta leik. Í kjölfarið voru flestir leikir jafningjaleikir og voru úrslitin eftir því sigrar og töp. 

Bleikar (KA3) stóðu sig ágætlega fyrsta daginn en úrslitin voru ekki að detta með okkur. Ástæðan er líkelga að þetta var fyrsta helgarmótið hjá öllum þessum stelpum í sumar. Frammistaðan hélt áfram að vera góð út mótið sem skilaði sér í bronsi.

Grænar (KA4) var vaxandi eftir því sem leið á mótið líkt og Bleikar sem skilaði fjórum sigrum í röð á laugardaginn og sunnudaginn. Þessi góða frammistaða skilaði liðinu silfri.

Fjólubláar (KA5) byrjaði mótið á krafti og vann sinn riðil á föstudaginn. Þær fóru því upp um deild og gerðu sér lítið fyrir og komust áfram í undanúrslit þar sem þær töpuðu í hlutkesti um að komast í úrslitleikinn. Í bronsleiknum þá gerðu þær jafntefli við Bleikar og deildu með þeim bronsinu. Þetta lið kom skemmtilega á óvart.

Gular (KA6) átti marga ágæta leiki en vantaði oft herslu muninn að koma boltanum í markið. Þetta lið var einnig saman á Króknum og eru flottar framfarir í liðinu sem skilaði 2 sigrum og 2 jafnteflum á mótinu.