Strandamótið 2016 og önnur mót á næstunni.

Komið þið sæl

Nú skella mótin á okkur hvert mótið á fætur öðru og erum við þjálfararnir að glíma við smá vandamál. Þau mót sem eru í boði núna næstu vikurnar eru eftirfarandi mót:

N1-mótið 29 júní-02.júlí (mjög hár styrkleiki drengirnar verða að spila við 11-12 ára drengi).

Strandamótið 09-10 júlí (fínt mót fyrir byrjendur).

Íslandsmót verður um miðjan júlí ekki komin endanleg dagsetning (hér er valið einhverjir búnir að keppa og aðrir ekki).

Króksmót 05-07 ágúst (flott mót fyrir alla iðkendur, getuskipting sem hentar öllum flokknum)

Íslandsmót verður um miðjan ágúst ekki komin dagsetning.

Málið er að við viljum ekki banna neinum að vera með í mótum en hér reynir á foreldra að velja og hafna mótum.  Að ætla að taka þátt í öllum þessum mótum er of mikið og því biðjum við foreldra aðeins um að hjálpa okkur að velja mótin í samráði við drengina. Einnig er mjög mikilvægt að reyna að finna verkefni við hæfi fyrir alla drengina þar sem menn eru að spila jafningjaleiki og eru ekki að vinna eða tapa stórt í sínum leikjum.

Hér í kommentakerfinu fyrir neðan biðjum við foreldra að skrá drengina í Strandamótið sem er 9-10 júlí en biðjum foreldra að hafa í huga að það er ekki gott að fara á Setmót/Orkumót N1-mót og Strandamót á einhverjum 3-4 vikum, það er einfaldlega of mikið og allar helgar mega ekki snúast um mót þó vissulega sé gaman að fara á mót.

Strandarmótið 2016 verður haldið helgina 9. og 10. júlí í Dalvíkurbyggð. 

Mótið verður með hefbundnu sniði þar sem 6. og 8. flokkur keppa á laugardegi en 7. flokkur á sunnudegi.  Mótið er styrkleikaskipt og fyrir bæði stelpur og stráka.  Mótsgjald er 2.500 og innfalið í því er hressing og smá mótsgjöf. 

Skráningu í Strandamótið líkur 3 júlí.

Kveðja

Þjálfarar