Set-mótið um síðustu helgi

A-lið í 2 sæti, B-C og F lið sigurvegarar

Um helgina tóku strákarnir á yngra árinu þátt í Set-mótinu á Selfossi.  Þetta er frekar nýtt mótt þar sem það hefur vantað verkefni fyrir stráka á yngra ári í 6.flokki (eldra árið fer til Vestmannaeyja).  Um helgina mættu lið frá flestum af stærri liðum af höfuðborgarsvæðinu s.s. Breiðablik, Stjarnan, Víkingur, ÍA, HK ofl.ofl.  KA sendi 4 lið til þátttöku í þessu móti í A-B-C og F-liða keppnum.  Skemmst er frá því að segja að strákarnir stóðu sig gríðarlega vel og voru félaginu og foreldrum til mikils sóma í allri framkomu á mótinu.  Ekki skemmdi síðan árangur fyrir en A-liðið endaði í 2 sæti, og B-C og F-liðin unnu mótið þannig að það voru margir drengir sem komu heim með bros á vör eftir skemmtilega helgi.

Við þjálfarar viljum bara þakka foreldrum og þá sérstaklega liðstjórum/fararstjórum fyrir skemmtilega helgi.

Kveðja

Sævar og Skúli