Lokaæfingin, grill og óskilamunir

Á morgun, fimmtudaginn 28. ágúst, er síðasta æfing hópsins á þessu tímabili. 

Æfingin verður óhefðbundin sem endar með því að foreldrar leika gegn strákunum og svo í grillaðar pylsur. 

Foreldrar eru því hvattir til að fjölmenna á æfinguna á morgun og má gera ráð fyrir að foreldrar vs. strákarnir hefjist nærri 16:30. Foreldrum bent á að leikurinn fer fram á grasi og þar skiptir skóbúnaður miklu máli svo ekki verði stórtjón :) m.ö.o. takkaskór er kostur! 

Óskilamunir

Nokkuð hefur borið á því að leitað er til foreldraráðs vegna óskilamuna eftir mót sumarsins. Tilkynningar um slíkt hafa ratað inn á síðuna hér og inná Facebooksíðu flokksins sem við teljum vænlegri kost, þ.e. nota FB-síðuna í þessa leit að óskilamunum en að því sögðu þá leitar Viktor Sig. að svörtum buxum, niðurþröngar og órenndar, stærð 140/10 eftir Króksmótið. Líklega ómerktar. Ef einhver kannast við það þá vinsamlegast hafið samband eða kommentið hér að neðan. 

f.h. foreldraráðs

EÖE