Gátlisti fyrir Króksmótið

Sælir foreldrar

Leikjaplan kemur inn annað kvöld og munum við setja það hér inn á síðuna. Einnig er gott að fylgjast með öllu inn á: https://kroksmot.wordpress.com/

Samlokumál eru klár.. 2 samlokur á laugardag og 2 Svalar/Hleðsla og 2 samloku á sunnudag og 2 Svalar/Hleðsla.. þannig að þið megið endilega koma með fleiri drykki handa ykkar dreng eða bara nýta vatnið. Það verður svo vöfflukaffi upp í skólanum eftir kvöldvökuna. Þið megið endilega láta vita ef að einhverjir foreldrar hafa tök á að koma með samlokugrill eða vöfflujárn með sér? Við þurfum 4-5 samlokugrill og 4-5 vöfflujárn. Megið skrifa hér fyrir í athugasemdir ef þið hafið tök á að koma með annað hvort með ykkur:)

Það er einhver rigning í loftinu þannig að endilega hafa nóg af auka fötum.

Hér er það helsta sem þarf að koma með:

- Dýna / vindsæng – sæng/svefnpoki, lak, koddi

- Tannbursti og tannkrem

- Handklæði og sundföt+sundpoki/bakpoki

- Náttföt

- Nærföt

- Auka föt og auka sokkar

- Keppnisföt – KA-stuttbuxur, KA treyja og gulir sokkar.
- Takkaskór – legghlífar-vatnsbrúsi
- Klæðnaður eftir veðri- hlý föt
- Teppi undir vindsæng- svo það ískri ekki í þeim
- Spil-blöð eða annað til afþreyingar.
- Dýnupumpur þeir sem eiga.
- Hollt og gott nesti.

- MUNA AÐ MERKJA ALLT MJÖG VEL!!!

-Fótboltaspil/möppur og tölvuspil eru ekki leyfð og er nammi og gos er á bannlista

Foreldrar verða að sjá til þess að koma drengjunum fyrir í skólanum, hafa keppnisföt, sundföt og utanyfir föt tilbúin. Of mikið fyrir farastjórana að þurfa að pumpa í allar vindsængurnar... viljum nú ekki hafa þau alveg vindlaus alla helgina hóhóhó;)

Foreldrar verða að vera sýnilegir og hjálpa til á milli leikja. Gott ef að einhverjir pabbar vilji taka að sér sundferðina því það er mjög erfitt fyrir kvk fararstjórana að geta ekki farið með þeim í klefa því það eru svo fáránlega margir í sundi í einu

Þeir sem ætla að gista taka við liðunum eftir kvöldmat og hjálpa til við að koma þeim í ró

Ég vil ítreka skilaboðin frá fararstjórunum að koma með teppi með til að setja undir vindsængina svo að það ískri ekki í þeim. Einnig vil ég benda á að ÖLL FÓTSBOLTASPIL ERU BÖNNUÐ, geyma möppuna heima.

Bkv

Foreldraráð

En er einhver sem vill fá að gista í skólanum í kvöld? Hann er ekki opinn þannig að ég þarf að fá að vita það svo ég geti látið opna hann fyrir okkur.