Fundargerð af foreldrafundi

Hérna eru helstu punktarnir af foreldrafundinum sem var haldinn á þriðjudaginn.

- Farið var yfir æfingarvikuna í vetur og bætist við ein æfing í viku frá og með gærdeginum. Styrktaræfing í KA heimilinu frá kl. 15:15 til 16:00.
- Mótin sem verður farið á í vetur og sumar eru Stefnumót okkar KA manna sem verður haldið í Boganum fyrstu helgina í febrúar og Íslandsmót þar sem við sendum 2 lið til keppni og er stefnan sett á að spila í riðlum fyrir sunnan. Þar sem það yrði þá farið í ca. 3 ferðir yfir sumarið og spilaðir 2 leikir per lið í hverri ferð. Einnig er hugur fyrir því að fara á ReyCup í júlí en það verður skoðað betur þegar við vitum hvort að við fáum að vera með í sunnanriðli og við sjáum hvað þetta eru margar ferðir til Reykjavíkur yfir sumarið.
- Það verður eitthvað um fjáraflanir í vetur, t.a.m. dósasafnanir og mögulega veitingaþjónusta. Næsta sumar verður svo reynt að fá töskuburð hjá Hótel KEA sem var að gefa vel síðastliðið sumar.
- Smá breyting var að á foreldraráði á eldra árinu, Anna Marit hættir í ráðinu og við þökkum henni fyrir frábært starf með flokkinn. Áfram fyrir eldra árið verða Axel Vatnsdal (Jóna Ríkey), Jóhanna María (Unnur Ósk) og Hreinn Hauksson (Sunna Katrín). Fyrir hönd yngra ársins verða svo Ingvar Már (Ísabella), Maron Pétursson (Marey) og Eva Dögg (Auður)

Að lokum var stungið upp á því að fara æfingarferð suður helgina 18. - 20. nóvember með 2 lið og spila 2 leiki per lið. Þetta er hugsað til að sjá hvar við stöndum gagnvart liðunum fyrir sunnan með það í huga hvort að sunnanriðillinn sé staðurinn sem við eigum heima á næsta sumar. Einnig er þetta frábær leið til að þétta saman hópinn fyrir átök vetrarins. Við munum reyna að ná verðinu á ferðinni í ca. 10.000 per stelpu.

Kv.
Peddi og Sandra