KSÍ svifti okkur sumrinu!

Það má með sanni segja að KSÍ hafi svift okkur sumrinu þar sem að settir voru á leikir á Höfuðborgarsvæðinu í dag þar sem rigning var í með Reykvísku móti á meðan sumarið lék við Akureyringa.

Lagt var af stað kl 07:00 í morgun og voru stelpurnar mis vel vaknaðar þegar komið var í KA. Sumar gátu sofið í rútunni en aðrar horfðu á bíómyndir og spjölluðu saman.

Við komum svona í seinna lagi á leikstað, en þegar rennt var á hlaðið á Hlíðarenda var ekki nema 35 mín í leik. Ég held að stelpurnarn hafi aldrei verið svona fljótar að taka sig til og koma sér útá völl sem var bara gott mál enda ekki annað í boði. 

Leikurinn við Val fór mjög vel af stað þar sem stelpurnar mættu þeim mjög ofarlega og voru 2 hálffæri sem við áttum áður en við náðum að skora fyrsta markið Þar sem Margrét skoraði með skoti sem átti viðkomu í varnarnmann og yfir markmann Vals.. Valasarar komust aðeins inní leikinn þegar leið á fyrrihálfleik og náðu að komast yfir 2-1 áður en Rakel bætti við 2 marki okkar rétt fyrir hálfleik.

Í seinni hálfleik var leikurinn frekar jafn, við vorum þó heldur líklegri en duttum aðeins niður og vörðumst vel gáfum fá færi á okkur. Það var síðan Rakel sem skoraði sigurmarkið þegar um 13 min voru eftir af leiknum þegar hún fékk sendinu innfyrir, lék á markmanninn og skoraði í autt markið.

Frábær 3-2 sigur og gott veganseti í sumarið eftir skrítinn leik á móti Fjölni um daginn.

Þá var komið að B-liðinu, vegna veikinda og meiðsla vorum við bara með 1 varamenn og var það markmaðurinn Harpa sem spilaði sem útileikmaður. Leikurinn fór heldur hægt af stað af okkar hálfu og voru Fylkisstelpur mikið mun betri. Þær skora fyrsta markið eftir að leikmaður þeirra komst ein í geng. Fyrir markið var Sara búin að verja vel í markinu. Það var síðan Salka sem komst í gegn á hinum enda vallarins og jafnaði metin 1-1. Ólöf fékk "óstöðvandi" blóðnasir þegar stutt var liðið á leikinn og því þurfit Harpa markmaður að koma inn. Hún átti svo sannarlega eftir að koma við sögu. Fylkisstelpur komst síðan yfir 2-1 en við fáum víti þar sem Harpa steig á punktinn og skoraði af miklu öryggi og tryggði sér bragðaref úr brynju sem var veðmál milli hennar og þjálfarans ef hún myndi skora.

Fylkir kemst síðan í 3-2 bara í næstu sókn á eftir og þannig var staðan í hálfleik. Fyrri hálfleikur var klárlega Fylkis en við vorum duglegar að svara þeim og spilið inná miðjunni kom í gang. Brynja Marín sem er á yngra ári í 4.fl átti einni sláarskot úr aukaspyrnu af 30m færi

Í seinni hálfleik voru mið miklu mun sterkari en það er hægt að telja á fingrum annarar handar hvað Fylkir fór oft yfir miðju. Hinsvar var síðasti þriðjungur vallarinns okkur heldur erfiður og stoppaði boltinn oft þar og ekkert varð úr okkar sóknum. Þjálfararnir ákváðu að taka smá sénsa þegar að um 10 mín voru eftir af leiknum og settu 4 uppá topp og 3 í öftustu línu rest á miðjunni. Þetta bar árangur þegar um 2 mín voru eftir af leiknum þegar Salka komst í gegn hægrameginn og afgreiddi boltann í markið og tryggði okkur stigið en lokatölur 3-3

Eftir leik bar rennt uppá hótel og þær sem spiluðu seinni leikinn hentu sér í sturtu og síðan var labbað niður og fengið sér að borða en boðið var uppá brokkolí/sveppa súpu með pasta og 3 kjúklingabitum útí ásamt sýnishorni af brauði.

Stelpurnar fengu síðna frjálsan tíma en allar voru þær komnar inní herbergi fyrir kl 10 og sumar voru að fara að sofa þegar þjálfarinn tók runt á herbergin.

á morgun eru síðan leikir við HK/Víking sem verða báðir hörku leikir og gott fyrir stelpurnar að vera búnar að hvílast í góðum rúmum. Leikirnir fara fram á gervigrasinu við Kórinn kl 13:00 og 14:45

Kveðja Þjálfarinn